وكان ذنبي اني اخترت اكون انسان تاني
اخترت اني ابقي راجل وملبعش بعواطف حد
ومكلمش اي بنت الا لو هحبها بجد
دلوقتي بقيت وحش وبقيت انسان كداب
عشان بقيت صريح اتقفل قدامي الباب
زمان لما كنت احور واعيش علي البنات الدور
واهتم بشكلي ولبسي وابقي شاب فرفور
ساعتها كنت كويس وكنت عاجب البنات
وكان كل بنت فيهم ترغي معايا بالساعات
تكدب عليا وانا اكدب عليها
تخدع فيا وانا اخدع فيها
ولما نزهق من بعض نقلب ونتعرف من جديد
ونشوف ناس غيرنا ونفضل في القصه نعيد
وحايتنا كلها عامله زي قصه وحواديت
عقولنا عقول بايظه مليانه براغيت
براغيت بتمص الخير الي فيها
وسيبالنا بس الشر يبقي الحارس ليها
شباب معندوش اخلاق شباب ملوش فيها
ولما الحالي يتصلح وندور علي بنت الحلال
ونيجي نقول استقامه يبقي الامر محال
الناس عايزه الكدب والتحوير
الناس عايزه الغش والتزوير
وانا مش هرجع تاني وابقي عبيط
حتي لو بقيت لوحدي وشي في وش الحيط
